馬主論戰

猪拉多纳

金鎸龍華冇得拗頸

　　今日沙田賽事有唔少明星馬上陣，戲碼算唔錯。其中尾場隻「金鎸龍華」更加係星中之星，來港後跑三場贏晒，上次對住「皇帝法令」、「甜將」及「禮尚往來」等，亦完全當對手冇到，實力深不可測。今次再跑1200米，唔易搵對手，熱都冇得拗頸。

　　另外鍾意第六場「勁力」，上季響四班贏兩場都好輕鬆，唔信依家評分已行人止步，用到柏寶操刀要吼實。

張敬山

城市之都執多W

　　季初葉楚航遲遲未開齋，但近期已經重拾正軌，剛戰更憑「歡樂寶寶」贏馬。今日葉廐都有唔少惡馬列陣，一於吼實呢個倉，推介第五場「漸信良駒」，上場同「歐洲駿馬」鬥到叮噹馬頭，證明仲有分響手，上季試過打叠九仗上名，連拼冇問題，今次可以贏馬補中。

　　另外鍾意第六場「城市之都」，上場加眼罩即刻開齋，表現大有進步，升上三班跑一樣冇有怕，應該可以贏多一場。

任達華

捧柏寶齊歡笑

　　柏寶剛戰終於重開勝門，始終佢係騎得之人，頭馬應該陸續有嚟，今日一於捧佢啲馬。推介第四場「銀飛龍」，上次初跑1400米得第四，雖然有啲失望，但其實佢輸畀頭馬唔夠一個馬位，表現並唔算差，今次再跑同程應會有更好演出，值得捧場。

　　另外鍾意第八場「齊歡笑」，在港熱身一場之後，上仗即刻贏馬，質素唔簡單。今次跑105分為上限嘅一班賽，對手唔算強，可添食。

寇鴻萍、梁廷鏘