馬主論戰

猪拉多纳

贏電訊超星賀壽

　　聽日係我個仔Ian嘅生日，先響度祝佢生日快樂！今日我會同Ian一齊入場，咁啱我哋隻「電訊超星」有份響第六場上陣，希望Ian為隻馬帶嚟好運，可以拉番一場頭馬喇！

　　另一匹心水係尾場「新希望」，上場呢隻馬初跑1400米，結果輕鬆贏馬，證明以呢項路程威力最強，今次蘇保羅繼續安排佢跑1400米，韋達亦肯再效力，已經有齊晒贏馬條件，追多一場。

張敬山

告東尼按得美麗

　　告東尼今日手馬好惡，我睇好佢有馬贏。鍾意第八場「魔幻大師」，上場跑泥地放唔出，居然改用後上跑法入Q，睇嚟四歲馬仲有分在手，轉跑田草1200米一樣可應付，坐位望贏。

　　另外鍾意第四場「按得美麗」，響外地跑四場贏三場，實力絕對唔簡單，而且外地已贏至2000米，初出跑1800米唔會嫌長，今場東廐出兩駒，呢隻馬配蔡明紹上陣，小心佢至係主力。

任達華

一路奇兵咪睇小

　　剛啱谷戰韋達食大四喜，冠軍果然係冠軍，搏起馬上嚟寧舍得心應手。今日韋達同樣成手惡馬，要冧莊騎師王冇難度。推介第七場「財運」，前仗響谷草包尾，上場回師沙田即上名，今次繼續跑大場，唔使講一定鍊盡。

　　另外鍾意第三場「一路奇兵」，季初嗰場只係輸畀頭馬半個馬位跑第五，依家評54分點會冇着數 ？ 今次繼續跑番1200米，換番韋達操刀咪睇小。

寇鴻萍、梁廷鏘