佳同暗火湧現

猪拉多纳

　　今晚谷戰柏寶騎足八場，胯下不乏實力坐騎，其中以「閃耀小子」與「佳同」最具分量，如手風順隨時可連場報捷，值得吼實。

　　出爭第三場四班1200米的「閃耀小子」，季內兩戰得冠亞各一，均在同程建功，可見路有專長，尤其是上仗以個多馬位輕取「龍船旺」贏馬，姿態甚為出色，賽後被加七分，仍留在四班作賽，形勢依然有利。復課後，此駒備戰積極，快試走來輕身好火，勇況未減，埋門踱步狀態亦對辦。今回再戰谷草1200米，續交合拍的柏寶操刀，要再下一城冇難度。

　　列陣第六場三班1200米的「佳同」，上仗季內初出跑同程，排外檔起步仍能追回一席接近第三，表現甚為出色。經過一場實戰之後，有助提升狀態，日前此駒在草地彈閘，走來火旺力足，埋門踱步暗火湧現，狀態更上一層樓。五歲馬今季踏入戰鬥黃金期，居三班跑谷草短途惡氣十足，今回強配柏寶，可謂人強馬勇，排檔內移形勢反客為主，再戰谷草1200米，必打硬仗。

家明