|
|
剛剛田泥8場夜賽，唔少熱門馬贏到，雖然冷門唔係冇，講到最冷門嘅賽果，肯定要數到柏寶，嘩，個人連捧8蛋，1場W都贏唔到，仲要黑到連1場P都冇，嗰晚賭親佢啲馬，個個輸到反晒眼。
今期谷草日賽，佢出馬冇咁多，6匹坐騎，人心肉造，佢為公為私，點都會打醒十二分精神，斷唔會又整多鋪6隻光蛋啩？！
今季已舉行4期快活谷賽事，柏寶期期有馬贏，總共攞咗5W。撞正今期又係谷草日賽，真係開正佢嗰瓣，希望唔好因為啱啱黑到痺，會監生整斷埋呢條纜。
依個人睇法，柏寶有部分馬唔叻，隔夜又冇飛，唔可以亂捧，比較似樣會數到「幸運紀錄」及「精英勇士」。先講前駒，苗禮德與柏寶，其實呢幾年冇乜合作過，1隻手數得晒，難得有關照，而隻馬係轉馬房初出，熱食在所難免。至於「精英勇士」，成日氣管有事，好開嗰排一定會繼續搏，上仗谷草1200米，沿路緊守前列，係尾段唔夠爆，照道理跑短200米可能仲啱。
Jack
|
|
金睛卡
发表于 2011-10-23 11:29
变色卡
显身卡