萬子千紅換柏寶變身

猪拉多纳

蔡明紹復出，身為師傅嘅告東尼，尋日擺晒強陣，適逢「美麗」系馬主郭少明贊助尋日婦女銀袋賽日，呢路人馬自然受追捧，不過師傅有馬贏，卻無徒弟份，反而要靠柏寶騎「萬子千紅」執番一場Ｗ。
       
柏寶（右）接手萬子千紅首戰即勝，告東尼知人善任。

「萬子千紅」上次用韋達由於搶口一放了事，大熱倒灶，賽後要解畫，結果今次換人除罩兼轉場，存在不同變數，結果響柏寶胯下，千辛萬苦先至以短距離險勝。呢場chadwick無馬騎，師傅唔預佢，有時廐內需要騎功幫助嘅馬，告仔都知蔡明紹火候未夠，要搵重量級人馬幫手，今季等巫斯義復出，當然會委以重任，相信柏寶亦會係佢另一個理想人選。
       

其實，柏寶與告東尼雖然一直有合作，但兩人經已好耐無頭馬見面，對上一匹都要追溯番前季2010年1月27日谷草1200米贏隻「鄉村傳奇」。