沈集成白德民今季4W

猪拉多纳

沈集成呢期同白德民合作愉快，剛剛響夜賽憑「馬主光輝」贏馬捧盃。擒日又有「朗天」乘勝追擊食頭胡，騎練合作今季已經累積４Ｗ。
       
沈集成連勝四日，累積九W領導群雄。

尋日頭場沈廐雙龍出海，溫拿「朗天」只係馬房嘅第二選擇。不過沈集成解釋話，由於「威陽」上次贏完千八後，早已鎖定呢一場，反而「朗天」剛戰谷草落敗後，佢先至接納白德民建議，匆匆幫隻馬加程跑，結果一再證明白德民嘅專業眼光相當獨到。其實沈集成亦好鍾意搵白德民騎啲難出頭嘅馬，由上季「康駿」，以至開鑼響頭炮「厲行星」，加埋今次隻「朗天」，隻隻都係由五班馬反彈，相信今季白德民仲有大把機會幫沈廐接手一批奇難雜症。