今季沙田披甲例贏 韋達點石成金

猪拉多纳

　　跑了4期沙田賽事，韋達因停賽關係缺席了1期，而另外3期俱有馬贏...好似剛剛1/10國慶日賽，贏夠4場，好不威風。呢期佢騎足11場，可能食過翻尋味，又再大顯身手！

　　冇錯，騎師或練馬師都好，上期好叻，唔代表下期一樣，淨係睇睇梁家俊，季內連中三元之後，已經沉了幾期！不過，人比人又唔係好啱，事關韋達情況完全唔同，有幾個大馬房照住，不愁兵源。

　　好嘞，秤秤韋達今期坐騎機會，望落由頭至尾場都幾惡，就如頭場已有匹新馬精英「幸運金龍」，當然，最好幾件全屬蔡廐出品，好似「夢幻魔術」、「點石成金」和「好食德」3駒。

　　至於上述3駒其實係有共通點，季內跑過1場並上名，而今仗唔係增程，就係轉場地，感覺上，「夢幻魔術」、「點石成金」和「好食德」好似諗過度過至配合而來。寄望阿蔡嘅馬，熱身之後，進度可持續向上，雖然賠率唔算吸引，如果贏得晒，亦唔會完全乏味。

Jack