國米撲殺路華拿 受傷獅子發爛渣

猪拉多纳

20/09/2011
文： 蘇豪

正所謂受傷的獅子最可怕，意甲班霸國際米蘭開季頻頻失利，主帥加斯柏連尼淪為箭靶，一眾球星亦被插到面目無光。不過，國米貴為意甲豪門，點會容許招牌被拆，周中意甲快車作客升班球隊路華拿，正是發爛渣開齋良機，捧客Ｗ！（now 633周三凌晨2時45分直播）




「藍黑軍團」國際米蘭由季前開始壞消息不斷，包括王牌射手伊度奧離隊，中場重心史奈達有離心，主帥加斯柏連尼領軍功力成疑等，結果開季果然出事，大軍先失落意超盃，之後聯賽連歐聯三戰不勝，三四三新陣踢落攻不銳、守不穩，表現完全唔對辦，馬上引發傳媒同球迷狂插，甚至有聲音要求加斯柏連尼下台。


博2.68倍「讓球客勝」


國米今次作客路華拿，有傳媒將場波形容為「生死戰」，似乎誇張咗啲，始終現時只屬季初階段，仲有大把時間追，就算未有貨交亦非世界末日。當然，為免士氣進一步滑落，國米一眾將士都會加多兩錢肉緊。




況且對手只係新升班，聯賽至今仍未打開勝利之門，即使今場國米主將史奈達受傷上陣成疑，但以「藍黑兵團」人腳，要贏波開齋應冇難度，客W有1.6倍固然穩陣，進取啲要埋2.68倍嘅「讓球客勝」，博國米大勝省招牌！


國米鬥升班馬旺雙


意甲勁旅國際米蘭對上兩季六戰升班馬，錄得兩勝四和不敗戰績，勝出率唔算高，六戰五場開「雙」，數據硬淨，值得留意。


國米近兩季 作客升班馬戰績


日期 賽果

01/05/11 勝 切塞納 2:1

12/03/11 和 布雷西亞 1:1

11/11/10 和 萊　　切 1:1

10/02/10 和 帕爾馬 1:1

16/01/10 和 巴　　里 2:2

01/11/09 勝 利禾奴 2:0