|
|
型男歌手陳柏宇，其中1首好悅耳歌曲《理智與感情》，有段歌詞寫得好「到」，嗰兩句係：「多少失戀者仍然健在，證實要放棄過去至找到未來。」呢21粒中文字，讀緊小學嘅細路仔，可能統統寫得出，但要「消化」的話，或許連大人窮一生精力亦參悟不通。
放低，重新出發，係情路上必經階段（除非由puppy love到成為夫婦）。如活在舊情人陰影下，將來遇到嗰個，替身之嘛，其他嘢都係投影從前一套，去邊間食肆、睇邊類影片、買邊隻牌子香水畀女友，差唔多99%倒模出嚟，心靈上，即係冇放低過！
賽馬世界中，檢討得失重要，從而對嗰匹馬有更深了解，為日後再遇上時擬定不同對策。不過，咩都講平衡，放低，重新出發，唔係夾硬嚟，咪以為我喜歡嗰首歌，噏得就噏。
近季有匹「超力駒」常惹飛，卻連Q腳都未入過。如果計佢09年12月輸畀「勇敢小子」嗰場，唔應該冇得贏，係都唔放低，咁又有咩謂！對某啲馬有期望，唔覺有問題，但類似case，早就應該「揮慧劍斬情絲」。
馬會賽馬節目主持 洪禮賢
|
|
金睛卡
发表于 2011-7-20 08:51
变色卡
显身卡