拜仁煞科戰加把勁

港陌

14/05/2011
文： Kit

德甲今季最終都係由多蒙特捧碟，做咗大半季領頭羊，個冠軍佢哋實至名歸嘅。可惜紐尼沙軒已率先走人登「艦」，真係擔心下季呢班「蜜蜂仔」會星散，依家只希望高普能夠留得住班後生仔，繼續同拜仁慕尼黑鬥過！老實講，我對拜仁向來冇乜好感，開講有話「拜仁波，蠱惑多」，成日突然走樣！不過今晚主場煞科鬥史特加，小妹都會投拜仁信心一票。（有線61周六晚9:30直播）




雖則話冇冠軍爭，但今晚亦關乎拜仁可唔可以反壓利華古遜做二哥！唔好睇小呢個亞軍，因為可以直接進身下季歐聯分組賽！喺依家球壇咁緊密嘅賽程下，可以踢少幾場慳番啲力水就梗係踢少啲好啦。當然，首要條件係要利華作客輸畀弗賴堡，同時拜仁要贏史特加先會出現呢個可能性啦，所以拜仁點都要做好本分先。既然有爭勝動力，就支持拜仁由頭贏到尾，搞掂史特加！


史特加上岸等放暑假


上星期拜仁就認真唔畀面喇，作客8:1大炒聖保利，一腳將對手轟落乙組，亦證明拜仁呢排搏老命處於正氣期。射手馬里奧高美斯季尾弗到震，幫拜仁帶嚟大量入球，洛賓復出後亦同樣發揮到應有威力。




睇數據，拜仁近12場勝仗有9場半場經已領先，證明呢班波一回復正氣就由頭正到尾，反觀客軍史特加無欲無求，護級目標亦已達成，今晚去到安聯球場都只係參加拜仁個謝幕派對，都係無謂阻人發達喇！


Kit推介


拜仁慕尼黑




主主

有線球彩台主持KIT

電郵：[email protected]

PHONE波熱線：1831 678

「超級星期六」開放時間：

周六晚9:00至周日凌晨0:00