吳定強又近一步

港陌

啱啱上個禮拜三谷戰，吳定強屯重兵諗住大舉出擊，點知「魅力影子」同埋「多益善」都輸啲啲跑第二，無功而還。好彩到尋日泥草混合戰，強哥喺第四場靠九歲老馬「哈哈妙」攞到重要嘅勝利，依家只係差一W就上岸，畢業指日可待。賽後強哥講返「哈哈妙」一向跑泥地千二米嘅表現都好穩定，今次又有一檔配合，終於贏番場都算合理。不過，強哥就話呢隻馬年紀唔細，升上三班對手唔同，會再同馬主陳鈞洪商量先決定保唔保留。
       
哈哈妙配韋達大熱取勝。
哈哈妙再贏施偉賢盃

至於陳鈞洪就話「哈哈妙」依家戰鬥力都唔太曳，但為咗唔好畀隻馬太辛苦，無論如何跑埋今季就光榮引退。陳生仲話「哈哈妙」在05至06馬季試過喺韋達胯下捧走施偉賢盃，估唔到隔咗五年都可以重溫美夢，真係非常巧合。