內圈探索：綠駿群英力度貫注

猪拉多纳

　　今日冠軍一哩賽於沙田上演，東廐「締造美麗」今季大熟大勇，有力染指此項盃賽。而馬房今日亦擺下強陣應戰，估計有廐侶配合攻勢，宜從中揀選捧場對象。

　　出爭第二場五班1800米的「綠駿群英」，前仗於勞愛德胯下在同程贏馬，取得轉倉後首場頭馬，但上仗易配蔡明紹轉戰泥地1800米，卻演出平平，輸在場地不合發揮。拼後此駒續做工夫，日前快試考驗，走來好火有勁，埋門踱步力度貫注，勇況未減。五歲馬今仗重返勝途，應該可以重現威力，回配贏馬拍檔勞愛德，更加如虎添翼，可望贏回一仗。

　　列陣第五場四班1200米的「快樂無窮」，上仗角逐同程在卓利胯下後上入Q，僅以個半馬位不敵頭馬「明海光輝」，演出大有進步，反映出三歲馬漸趨成熟。拼後此駒加強備戰，日前草地彈閘反應佳，埋門踱步狀態亦相當對辦。目前「快樂無窮」居四班必佔優勢，今番操足捲土重來，再戰田草1200米途程理想，繼續交由卓利操刀，可收人馬合拍之效，同場對手實力非突出，出頭在望。

家明