|
|
金融市場，有啲實力股票，不停上試高位，一再突破甚麼幾多十天平均線，交投多到冇朋友，股民仍會嚷着：「有買貴，冇買錯！」放諸樓市亦一樣，哪管XXX出辣招，勁推地皮、限制單位size、SSD等，又如何？市場一經消化，辣招形同虛設，樓價繼續向上升，完全無阻市民入市意欲。
咁究竟喺馬場之內，「追貨」又啱唔啱？！贏開嘅馬，追唔追好？當中使唔使戴住「有色眼鏡」？嘩，上場柏寶贏得易，今場又喺勝途出賽，仲唔博冧莊！又或是，唉，細馬房新勝馬，追乜鬼，邊會有兩劑吖！做個事後孔明，如果抱住上述態度刨馬，喺啱啱嘅谷草賽事，九成九冇運行。
先有頭場「精靈勇駿」打叠贏兩場，而呢場W亦係今季吳廐首匹連捷馬，若果戴住「有色眼鏡」喺賽前去度，未必會揀到。又例如黃汝安馬房「心中有程」，上場爆出99倍大冷W，寶尾點追呀！結果差啲贏埋，跑個P派彩35蚊！坦白講，賽前連自己都唔信佢會繼續跑得好，但喺直播節目之內，亦帶出此廐新勝馬，翌仗再跑同一路程，上名率逾4成，以中小型馬房而言，比率真係高得幾緊要！
要數當晚最甘梗係「佳同」，雖然早排曾講過，葉廐今季谷草新勝馬，再出跑贏馬路程，上名率高達83%（記住唔係勝出率）。但最終此駒1.9倍獨贏只跑第二，六寶獎冇人中，好大程度係關佢事。
賽前是我們對牠過分熱情嗎？應該係囉。
馬會賽馬節目主持 洪禮賢 |
|
金睛卡
发表于 2011-4-22 08:59
变色卡
显身卡