|
|
大摩馬房近期成績唔係唔好，4月3日先至喺田草起個孖，問題係之前喺3月份，頭馬量突然大減，成個月贏得3場W咋，好明顯回緊氣，因佢在1、2月，夾夾埋埋攞了18場頭馬，點會冇影響，部分馬匹評分冇上升空間，想搏都有心無力，成績徘徊理所當然。
僅領先東廐1W
你停手之時，人哋當然唔放過機會，告東尼及方嘉柏目前分別有49及43場W，唔係落後好多，前者更有步步進迫之勢，3月狂勝10W，上周日亦贏兩場，依家同大摩相差1W，隨時過埋頭。而呢期兩大馬房各有強兵，擺明去砌，會唔會練馬師一二哥要執位，唔係冇可能，大摩如果有心保持領先，以佢今期上陣馬實力，唔係冇得數胡。
頭場「般若」及第九場「勝利駿駒」，一對里程比較新嘅馬，同場有大樹遮陰，賠率算係值博。至於實力如何，前駒初出跑來新嫩，但仍見接近，據手足透露，此馬至少值三班，趁有賠率好買定先。後駒唔等1600米或谷中一哩，係都縮程一試，可能跑短200米更合性能。
尾場一對摩廐馬「軍事行動」和「卡達聖」，恕阿Jack懶惰，唔想去分邊匹係主力，事實上，計能力彼此在伯仲之間，由於都係未交代，應該唔會有主副之分，隨時一Q返。
Jack |
|
金睛卡
发表于 2011-4-9 08:31
变色卡
显身卡