|
|
呢一晚谷戰，的確好有「味道」，雖然，眾所周知，跑馬地百萬挑戰盃完全同馬迷冇關，冇競猜遊戲，估邊匹馬成為最終皇者。邊隻贏，除非你有份參與，如果唔係，只有戥人高興。但呢屆好睇在於，幾匹喺排行榜前幾名之馬，全體吼住最後一戰，就算跑完第七場，勝負仍然未分，因為第八場嘅賽果，隨時改寫晒成個排位！
講開又講，跑馬地百萬挑戰盃已經舉行咗好多屆，一直都係與馬迷冇關，純粹齋睇，冇咩實質刺激作用，今屆就話有「味道」，如果下屆一早有匹馬分數攞凸晒，冇乜競逐性，到時可能冇咁好睇，亦令跑馬地百萬挑戰盃去到尾聲，相對失色，馬會大員係咪係時候諗諗呢項盃賽，點樣吸引馬迷？若只係自己狂煲啲馬點勁、點叻，甚麼壓軸戰云云，未免一成不變。
呢項盃賽，航哥「闊袍大袖」有份爭，最終贏唔贏到，要睇隻馬造化，同埋啲對手演出有冇失準。不過，呢個馬房的確當旺，上期繼續有馬贏，3期攞5W，連帶上期嘅「人人興旺」，季內頻頻得個P嘅都贏埋，睇嚟航哥近期正處搏殺期。
呢期佢8駒上陣，有晒陣式，美中不足就係好幾駒排外檔，希望唔好影響到佢地發揮。好似「仔仔女女」、「明駿之寶」、「萬里駒」，始終都係有近績支持嘅馬，如果唔係排晒衰檔，其實贏馬機會一啲都唔低，希望克服到檔位問題。
Jack |
|
金睛卡
发表于 2011-2-23 12:13
变色卡
显身卡