|
|
多年嚟都係大年初三跑馬，赤口喎，大家入馬場就算人頭湧湧，記得唔好同人嘈交，大方禮讓，開開心心入馬場，愉快滿足出場咪最好。而在新一年，祝各位讀者賺到盆滿缽滿，在馬場無往不利，情場無敵， 遠離小人， 成日有貴人扶持，一於吉星高照。
講到今日吉星，或財位喺邊？睇睇堪輿大師李先生嘅指引啦。至於阿Jack 就認為， 騎練吉星可能係大摩及白德民， 嘩， 佢哋今日又係大party，派出一大批軍隊，新年大日子， 有咁嘅安排，唔係想威威，唔通虛張聲勢咩！係都唔揀今日啦！所以，強攻初三會係目標。
隨便數數佢地嘅機會馬，「傾力之城」、「威皇鷹」及「共創未來」3駒，已經係今日好多人嘅心頭好，賠率熱係冇得避免，獨贏兩三倍左右，但要起孖或中三元，摩白二人成數最高亦係呢3駒，同埋，大時大節，唔會點爆得出樣，希望成為今日紅盤馬。
Jack |
|
金睛卡
发表于 2011-2-5 09:27
变色卡
显身卡