消費王TOP FIT執多劑

猪拉多纳

梁定華馬房近期成績不俗，周六兔年第一擊，向來喜愛講意頭的華哥，當然希望乘勢食住上，在新正頭贏馬打響頭炮。旗下六匹參戰馬中，一月內贏完沙田再贏快活谷的「消費王」，賈其餘勇返田草再爭勝途，只要順利連捷，正好以行動反駁外間對其戰馬經常轉路程的批評。
       
消費王元旦日贏完田草千二，上仗再贏谷草同程，兩邊走無問題。

日前有馬經專欄批評指華廐馬亂報路程，梁定華昨晨對此大呼冤枉。他說：「我早已就此向董事解畫，現階段不欲多談，不過我希望馬迷可體諒練馬師的苦衷，尤其是兵力不多的馬房，只要馬匹狀態到位，就要把握機會為馬主爭取最佳成績，何況有些馬匹絕不局限於單一路程，上季『贏啲啲』由田泥千二贏到谷草千二及一哩，正是最佳例子。」
       
梁定華
換黎海榮純屬誤會

至於今季的「消費王」，同樣是華廐轉程出擊的成功樣辦。此匹愛爾蘭六歲馬元旦日先在沙田千二米爆大冷殺敗「多利皇」，隔仗轉戰谷中千二米又再響勝鼓，派彩同樣和味。只是今戰鞍上人卻由兩捷功臣勞愛德換成黎海榮，梁定華解釋是純粹誤會。練者說：「我誤以為勞愛德已開始停賽，才找來黎海榮頂替，惟後者策騎此駒早有經驗，連捷機會不會削弱。『消費王』目前狀態正處巔峰，連拚後勇況無減，晨課走勢仍對辦。無疑加分後負磅亦上調，對此匹不足一千磅之馬會有一定影響，但起用黎海榮減輕兩磅，負一二四磅不算過重，以其近仗後上贏馬之輕鬆姿態，相信反彈勢頭未止，再戰贏馬路程沙田千二米，配合有利形勢，有力再下一城。」