大摩今季4捷皇

猪拉多纳

依家喺練馬師榜領先嘅大摩，今季炮製咗唔少多捷馬，好似季內第一隻四捷馬「甜將」就係嚟自摩廐。到咗尋日，又有一隻四捷馬誕生，就係大摩嘅「皇帝旨令」，呢隻馬今季去咗摩廐跑咗五鋪，攞到四冠一殿，進步幅度認真誇張，絕對係馬房今季其中一隻代表作。
       

對於呢隻「皇帝旨令」，大摩就話隻馬轉咗去佢馬房後，一直做好本分，每場馬都交到唔錯成績，佢都好滿意。不過，大摩話「皇帝旨令」贏埋呢場後，應該比季初高卅幾分，評分再無咩優勢，之不過既然隻馬咁弗，就算升上二班形勢唔同，都有機會進軍第五W。
       
贏飛闖起孖

雖然四場國際賽無功而還，但大摩上半場先勝「皇帝旨令」，下半場再贏「飛闖」，順利起孖，以26場頭馬領導群雄，總算攞番個彩。