馬主論戰

魑魅魍魉

俊鬥仕試準出擊

　　國際賽日好馬雲集，觀賞價值真係好高，心水馬有尾場「俊鬥仕」，上場直路早段馬鞍滑移，都只係輸三個馬位左右，已經試準晒走勢，今次再跑1600米兼加眼罩上陣，贏得。另外推介第六場「氣定神閒」，上場跑第三有驚喜，再跑1400米可以再進一步。

張敬山

極品絲綢到位

　　今日四場國際賽戲碼都好精采，肯定激戰連場。剛啱方嘉柏憑「智友」食尾胡，我睇好佢今日可以贏馬捧盃，先講跑香港盃嘅「極品絲綢」，季內三戰一場近過一場，計落今場已經到位。至於跑一哩錦標嘅「自由好」，上場追勢如狼似虎，都有機會為港爭光。

寇鴻萍、梁廷鏘

騰雲駕霧要吼實

　　大摩今日手馬好惡，要贏馬應該唔難，其中第三場更三路興兵，梁家俊騎嘅「騰雲駕霧」就好有留意價值，季初曾經彈甩「歡呼星」贏馬，實力唔簡單，上場亦只係僅輸跑第二，今次捲土重來可補中。另外推介第二場「皇帝旨令」，轉摩廐後大有進步，要再贏冇難度。

任達華