馬場紅綠燈

魑魅魍魉

鋼意隨時施冷箭

　　剛戰鄭廐「招積仔」及「招財名駒」僅入位未竟全功，今晚這個馬房只出四駒，但列陣騎師賽次關的「鋼意」以往七戰谷草B欄C彎賽事得一冠兩亞，既然季內曾在湯智傑胯下贏馬，斷估轉由莫雷拉執韁亦不輸蝕，小心再次施冷箭。

健少

沙貝利轉場爆得

　　國際賽周馬場星光熠熠，又係一眾大倉攞威時候；睇中尾場蔡廐「沙貝利」，今季五戰未贏但兩度跑季，證明戰鬥力仍強， 上仗遇「曬冷王」、「一言為定」兩匹明日之星，跑第四不失禮，末段更造出22.92秒快時間，轉場有力爆。

阿光

暖在心頭擺明超

　　「暖在心頭」去季喺田草輕勝，就算上四班亦一樣入位，係人都知佢喺五班超級，可惜今季狀態未到位先冇表現；不過，上仗跑五班谷草一哩喺外叠發力跑第五，應乜都試準晒，今晚續用卓利相信仍可以換嚟賠率，呢匹半冷馬吼得過。

王其