阿苗好人關照卓利

魑魅魍魉

今季一直弱勢抗戰嘅卓利，尋日響鄉里苗禮德雪中送炭下，終憑「領航人」再添頭馬紀錄。
       
苗禮德（右）雪中送炭，畀隻領航人卓利贏馬。
澄清約滿返南非謠傳

正所謂「同人唔同命」，安國倫遲嚟早上岸，本身騎功加埋幸運之神眷顧，嚟咗唔夠兩個月，已經贏咗九場，但卓利貴為南非冠軍級人馬，支持愈嚟愈少，近期更甚至傳出佢響香港發展唔如意，有意下年一月尾約滿後返回南非發展，不過當事人已經澄清咗呢個謠傳。
       

其實，認識卓利嘅人都會知道，佢同太太Claire都希望留港作長線發展，目前Claire除咗任職馬會策騎員外，閒餘時間仲修讀緊獸醫學位課程，為令愛妻放心完成學業，所以卓利亦話明必會沉着應戰，為爭取續約作最大努力。
       

對於「領航人」勝出，苗禮德賽後亦大讚卓利發揮出色，能夠為董兆裕先生贏馬，阿苗話最為關心，既然卓利今場交足貨，阿苗亦話明稍後陸續有「餐士」馬，益吓呢位鄉里咁話。