高清睇跑馬：萬子千紅穩補中

港陌

　　「萬子千紅」今季開始成熟，次仗即於總場次60以輕鬆姿態贏五班田草1800米，難怪賽後被加8分；接戰升班繼續得手，此戰吸引之處是不用留得太後，而且力拼時更交出無比鬥心。上仗於總場次153田草1800米熱倒僅得第二，老實講頭馬「智多飛」實力超班，日後再對疊亦不易反先，但若非「萬子千紅」留得太後，相信至少能將落敗距離縮窄；今晚續爭四班有優勢，愈長愈好之馬跑2200米必合，回配贏馬拍檔韋達，篤定補中。
　　
　　「雄心威龍」上季在呂廐曾得兩席亞軍，一次跟前一次留後，尤其後追一役，蝕位下輸頸位給「中環英雄」，堪稱高難度之作。苗禮德接手後亦不客氣，今季轉倉首戰即於總場次107田草1400米搏殺，贏馬姿態輕鬆不在話下，而且尚要負重磅輕取之後補中的「好得意」。上仗更厲害，負頂磅兼排十二檔下仍於谷草一哩放到，除亞軍「魅力心」有威脅外，季軍打後馬全部遠遠落後，只看上述兩場勝仗，今季殺上二班可謂最低要求。這次續跑谷戰強手不多，加上尾場放頭馬少，佔盡先機隨時連贏三場。

Sam