朝早有動靜：雪山神駒交代

港陌

　　告達理昨朝如常與好拍檔安國倫並肩努力教馬，而練者兩位乖仔亦幫手打理廐務。
　　
　　收操之後，眾人圍在一起商議作戰大計，馬房上下朝氣十足，近期實在要密切留意此路人馬。

　　告廐今季已取得11場頭馬，只差7W便可追平上季18場頭馬的成績，如果按現時勢頭計，要超越或甚至再闖高峰不是沒有可能。

　　今晚谷中賽事，此馬房實力馬不少，其中「雪山神駒」、「靚到爆」兩匹參戰馬，齊齊出爭首本路程，不難替馬房增添頭馬。尤其是出爭第三場四班1650米的「雪山神駒」，上季尾轉告廐後仍未贏馬交代，今次用何澤堯減磅兼抽得內檔起步，應屆贏馬時候。
　　
　　另外，昨朝韋達亦穿梭多位倉主之間，動態異常積極，其中更與徐雨石頻頻咬耳仔，今次兩人合作第五場的「清新空氣」，季內兩戰非勝即位，有佳態支持，既然晨課騎練亦有動靜，多加留意為宜。

易搏贏要吼實
　　
　　至於賀賢馬房的「易搏贏」，上仗在谷草1800米打開季內勝門後，近期操練以慢工夫為主，但晨課期間練馬師仍一味跟實，昨朝更見其與勞愛德交頭接耳良久，動靜絕不簡單。

韋柏