馬主論戰

博彩老头

馬偉昌化身萬人迷

　　剛戰馬偉昌憑「雄心威龍」贏馬，搏殺手風幾順， 我睇好佢今晚有馬贏，甚至可以起孖。

　　推介第二場「萬人迷」，上場響泥地1200米後上如箭，賽後一分不加，今次居然可以跑五班賽，簡直着數到暈，係時候贏喇！

　　另一匹馬偉昌坐騎，鍾意第六場「聖迪達」，早已經證明係泥地專家，上場轉去跑草地都入Q，擺明弗到震，跑番泥地可以掃晒。

張敬山

楊明綸表現齊喝采

　　全泥夜賽周不時有大冷賽果出現， 投注時最好冷敲熱避。鍾意尾場「齊喝采」，呢隻馬生成冷門命，但泥地實力一啲都唔曳，上場響同程就贏得相當精采。今次呢隻馬配楊明綸兼排大外檔，肯定又有分頭，但呢位後生仔近期嘅表現有目共睹，隨時會有驚喜。另外推介第七場「神殿」，呢隻馬幾考騎功，上場配何澤堯冇表現唔奇，換白德民騎隨時變身。

任達華

家橋速高1定掂

　　方嘉柏剛戰憑「智友」食尾胡，暫時響練馬師榜遙遙領先，跟紅頂白當然要繼續吼住呢個倉口。

　　先推介頭場方嘉柏馬房的「家橋」，今季一出即勝，響谷草1000米贏到對手冇得跑，冇理由於現評分止步。

　　今次轉嚟泥地1200米上陣， 排得一檔起步， 啱晒呢匹有前速嘅馬， 同場快放馬唔算好多，若然畀佢搶出操控步速，對手要追都唔易，有力先拔頭籌。

寇鴻萍、梁廷鏘