留定位睇日丹決戰

胜保罗

潮 童 Tim ： 李 老 闆 ， 唔 該 整 個 日 式 鰻 魚 飯 ， 加 多 支 清 酒 㖭 。

李 老 闆 ： 潮 童 Tim ， 你 咪 玩 啦 ， 你 鍾 意 日 本 嘢 ， 上 至 日 本 潮 牌 ， 下 至 日 本 隊 ， 都 係 你 至 愛 ， 就 成 個 旺 角 都 知 ， 不 過 我 呢 啲 舖 頭 仔 ， 邊 有 日 本 嘢 賣 ？ 愛 國 啲 ， 唔 好 食 鰻 魚 ， 食 蒸 鯇 魚 ， 飲 大 陸 啤 酒 。

經 紀 陳 ： 潮 童 Tim ， 日 本 隊 啱 啱 先 輸 畀 荷 蘭 喎 ， 做 乜 你 心 情 咁 好 o架 。

潮 童 Tim ： 經 紀 陳 ， 你 又 話 自 己 數 口 精 ， 雖 然 日 本 輸 咗 畀 荷 蘭 ， 不 過 好 彩 只 輸 一 粒 ， 尾 場 丹 麥 就 只 贏 喀 麥 隆 2:1 ；  家 日 本 同 丹 麥 都 有 3 分 ， 爭 緊 最 後 一 個 出 線 席 位 ， 只 要 日 本 最 後 一 仗 和 丹 麥 就 可 以 出 線 。 我 開 鑼 前 買 咗 「 小 組 一 、 二 名 」 荷 蘭 過 日 本 ， 有 成 6 倍 ， 中 咗 就 有 錢 買 多 幾 件 猿 人 衫 。

外 賣 仔 ： 世 事 咁 理 想 ， 就 邊 會 有 窮 人 ， 日 本 個 走 勢 麻 麻 哋 ， 因 住 佢 哋 臨 尾 香 喎 ！

收 錢 妹 ： 你 咪 潑 人 冷 水 啦 ， 我 都 有 睇 日 本 對 荷 蘭 場 波 ， 日 本 有 幾 個 球 員 都 好 型 仔 ， 個 前 鋒 本 田 圭 佑 一 頭 金 髮 ， 好 有 星 味 喎 。

李 老 闆 ： 講 真 日 本 心 理 質 素 麻 麻 ， 上 屆 世 界 盃 ， 對 巴 西 同 澳 洲 都 先 開 紀 錄 ， 結 果 最 後 嘔 突 輸 番 ； 丹 麥 佬 有 身 材 ， 日 本 仔 最 怕 高 波 ， 唔 係 咁 易 頂 。

潮 童 Tim ： 一 日 未 打 過 ， 戰 果 都 未 知 ， 李 老 闆 ， 星 期 四 晚 留 定 位 畀 我 ， 等 我 同 你 哋 睇 住 邊 個 好 眼 光 啦 。