求神庇佑英軍晉級

胜保罗

車 神 ： 李 老 闆 ， 今 日 窮 人 餐 有 咩 食 呀 ？
李 老 闆 ： 喂 ， 車 神 ， 噚 晚 捱 咗 通 宵 更 唔 夠 瞓 呀 ， 無 厘 神 氣 咁 ， 好 心 就 食 餐 好 啲 充 吓 電 啦 ！
車 神 ： 食 龍 肉 都 冇 味 啦 ， 淨 係 輸 阿 根 廷 同 英 格 蘭 都 輸 死 ， 都 係 慳 啲 使 ， 食 個 窮 人 餐 算 數 ！
經 紀 陳 ： 喂 車 神 ， 買 咗 好 大 呀 ？ 世 界 盃 啱 啱 開 咗 波 冇 幾 耐 ， 咁 快 就 投 降 ， 唔 似 你 作 風 喎 ！
車 神 ： 鬼 咩 ， 早 場 贏 咗 南 韓 個 下 盤 ， 諗 住 將 贏 嗰 啲 放 落 阿 根 廷 「 主 勝 」 ， 晨 咁 早 就 入 一 球 ， 諗 住 食 硬 ， 點 知 企 到 尾 … …
雙 槍 雄 ： 咁 都 係 打 個 和 啫 ！
車 神 ： 弊 在 尾 場 再 追 英 格 蘭 ， 買 咗 3 注 ， 博 W 、 博 「 主 勝 」 同 博 「 大 」 ， 結 果 全 部 中 招 ！
外 賣 仔 ： 我 身 邊 唔 少 波 友 噚 晚 都 係 買 英 格 蘭 W ， 真 係 多 得 個 龍 門 羅 拔 格 連 唔 少 。
雙 槍 雄 ： 話 時 話 ， 英 格 蘭 算 係 踢 得 唔 錯 o架 啦 ， 同 啲 夥 計 睇 完 都 覺 得 佢 哋 出 線 冇 咩 大 問 題 ， 但 之 後 對 住 啲 強 隊 就 好 難 講 。
車 神 ： 你 啲 英 格 蘭 擁 躉 梗 係 撐 o架 啦 ， 但 我 就 唔 係 咁 睇 ， 對 住 其 餘 兩 隊 冇 咩 優 勢 。
李 老 闆 ： 香 港 地 都 係 英 格 蘭 躉 嘅 多 ， 好 彩 我 都 醒 目 ， 貼 番 幾 張 佢 哋 嘅 海 報 ， 引 吓 啲 球 迷 入 嚟 幫 襯 ！
外 賣 仔 ： 老 細 ， 咁 你 就 真 係 要 求 神 拜 佛 啦 ， 如 果 英 格 蘭 提 早 出 局 ， 睇 怕 少 好 多 人 嚟 打 躉 。