羅沙里奧盡砌河床

猪拉多纳

阿盃爭霸兩番撻Ｑ谷爆

周四賽事雖然唔多，但阿King一樣搵到筍嘢介紹，就係聽朝早上演嘅阿根廷盃決賽，由河床喺中立場對羅沙里奧中央。羅沙里奧連續3年打入決賽，對上兩次都落敗而回，唔想連續3年做「阿二」必全力盡砌，讓球主客和河床讓一球，捧羅沙里奧中央嘅1.66倍讓球客勝。

（周五早上8時10分開賽、馬會網上文字直播）

兩軍上輪聯賽同樣輸波，河床同死敵小保加大戰，結果一度領先2比1嘅情況下，畀小保加反勝4比2，球隊先勝後敗對士氣絕對有影響。河床喺呢場大戰精銳盡出，主力射手艾拿利奧、迪奧斯同中場迪阿歷辛度皆正選上陣，短時間匆匆再踢決賽，未必咁快回到氣，而且球隊近期狀態唔算理想，近5仗只得２勝３負，今仗想贏波唔係易事。
甘堡爾主場硬淨頂到阿積士

羅沙里奧中央上輪聯賽雖然輸畀拉魯斯，但一眾主力好似射手馬高魯賓、杜費路古迪利斯同埋中堅華盛頓甘馬曹都冇上陣，教練高迪明顯留力應付今仗阿根廷盃決賽。事實上，今次已經係羅沙里奧中央連續第3年殺入決賽，但前兩年佢哋都喺決賽落敗成為「悲情球隊」，今次自然希望可以一嘗冠軍滋味，鬥志唔使懷疑仲有得受讓咁筍，阿King捧羅沙里奧中央讓球客勝。

另外兩場係荷蘭盃16強賽事，乙組嘅甘堡爾近7仗主場贏咗6仗表現唔錯，主場面對嚟緊要喺聯賽大戰燕豪芬嘅阿積士，應可以頂住對手，要讓球主勝。（周五凌晨1時30分開賽）至於荷華高斯近4仗主場錄得3勝1和戰績不俗，遇上近7場作客未贏過嘅鹿特丹斯巴達有力贏波，呢場推介主勝。

（周五凌晨3時45分開賽）