國足前途仲有價講

猪拉多纳

除咗小組首名直接出線，8組入面成績最佳嘅4支次名球隊都可進身下圈12強賽，A組沙特阿拉伯與E組日本雖然仲未穩奪首名，但如果兩軍跌落小組第2，扣除佢哋對所屬組別包尾球隊（A組馬來西亞或東帝汶、E組柬埔寨）嘅分數，兩者同得13分，肯定係4支最佳次名球隊之一，所以沙特、日本無論贏輸都肯定可以出線。

至於國足喺「次名排行榜」賽前排第6，想爭取最佳次名除咗一定要贏波，仲要寄望阿聯酋、約旦、北韓或伊拉克4隊有2隊失分。由於以上4隊數字上仲有機會爭小組首名出線，故此「次名排行榜」嘅最終排名仍有變數。