尼馬停賽難炒伊巴 巴塞收火吼讓球和

猪拉多纳

西甲班霸巴塞隆拿周日作客中游球隊伊巴，雖然「地上最強」對上3次鬥伊巴錄得全勝，不過當中2次只係以2球之差贏出，加上球隊作客火力遠不及主場，依家喺聯賽已經建立8分嘅優勢，實在冇必要場場盡數，佢哋近5次作客勝仗有3場贏2粒，可以考慮冷敲「-2」讓球和。

（now 632台周日晚11:00直播）

巴塞今季主場火力強勁，但每每去到客場賽事就比較謹慎，明顯見到球隊在作客環境下，只會以3分為重，唔會妄開殺戒，相信今次造訪伊巴亦唔例外。何況球隊賽程頻密，教練安歷基梗係會吩咐球員「見好就收」，今仗仲有前線王牌尼馬停賽，鋒力大打折扣。
伊巴主場遇強例輸2粒

伊巴主場防守唔算差，最近7次西甲主場賽事，只有1仗失球多於1球，僅以1:2輸畀馬拉加。值得留意嘅係，伊巴今季聯賽主場迎戰皇馬和馬體會2支爭標分子，咁啱都係以2球之差落敗，今仗迎戰作客「收火」嘅巴塞隆拿，未必會以大比數落敗，吼「-2」讓球和。