曼城力保前4誓斬維拉

猪拉多纳

曼城主場對阿士東維拉，「藍月亮」雖剛捧走英聯盃，但周中卻畀被利物浦大炒3比0，表現疲態畢露，好彩對手維拉近況唔好得幾多，聯賽3連敗之餘，後防加埋失咗11球，曼城為保前4不容再失，讓球主客和讓2球照捧讓球主勝。

(now 621周六晚11時直播)

曼城上周末喺英聯盃決賽踢足120分鐘，最後憑互射12碼擊敗利物浦捧盃，然後周中匆匆再戰紅軍，結果喺冇大幅輪換情況下慘吞3蛋，被同日贏波嘅宿敵曼聯追至同分，為保前4已經不容有失，相信今仗領隊比歷連尼會畀韋菲特邦尼、伊恩拿祖等副選多啲上陣時間，伊恩拿祖早前喺英足盃第4圈大勝維拉4比0一役連中三元，今仗睇嚟又有唔少數胡機會。
數據一面倒捧讓主

維拉上月初於護級大戰2比0擊敗諾域治，曾為護級帶來一絲憧憬，可惜對住實力較強嘅球隊始終未夠班，對上兩場主場分別以0比6及1比3大敗畀利物浦及愛華頓，連同作客輸畀史篤城，近3場聯賽一共失咗11球，而且佢哋近年作客曼城輸多贏少，除上季僅負2比3，之前3季聯賽至少都要淨輸3球或以上，數據咁硬淨一定捧讓球主勝。