阿德當頭起再追

猪拉多纳

噴射機失控直插谷底

足球世界向來都係跟紅頂白，澳職今輪打頭陣有紐卡素噴射機主場迎戰阿德萊德聯，兩隊今季都係喺下游位置掙扎，不過作客嘅「阿德」近期開始上力，當中今季上任嘅西班牙教頭阿摩似乎已經搵到節奏，要贏愈踢愈沉嘅紐卡素噴射機唔係難事，一於直取1.9倍客勝！

（有線64及203周五下午4:40直播）

紐卡素噴射機依家排喺阿德萊德聯前面，不過完全係靠開季嗰段虛火，佢哋開咧頭1個月4戰3勝係威係勢，弊在上個月狀態突然急跌，4場聯賽只有3和1負，到今個月更加直插谷底，踢咗2場都輸晒兼冇入過波，上星期主場吞墨爾本城4蛋，連自己粉絲都嬲到柴台，球員當然冇晒信心。
卡路斯卡解凍有料到

噴射機依家最大問題係冇人識得入波，自從進攻主力夏列迪受傷提早收咧後，班波入球能力非常疲弱，而塞爾維亞前鋒查芬洛域亦踢到冇晒影。噴射機近4場聯賽只係入過1球，最弊係中堅保加特經常犯錯，攻不銳守不穩，今場想有分落袋都幾難。

阿德萊德聯新帥阿摩接替甘巴爾領軍，之前出現一段慘痛適應期，開季8場未贏過，不過隨住近2場聯賽贏波，隊波嘅士氣同信心都大大提升，阿根廷球星卡路斯卡被解凍復任正選，呢2場波都有極高水平表現，佢同近況大勇嘅射手柏保路山齊士合作到火花四濺，今場3連勝可期。