英足盃3.58億賣名

猪拉多纳

求「財」若渴嘅英格蘭足總，剛與阿聯酋航空達成協議贊助英格蘭足總盃，更不惜將呢項有144年歷史嘅盃賽，首次賣出冠名權，由下屆開始，將會改名為「阿聯酋足總盃」，合約為期3年總值3,000萬鎊（約3.58億港元）。以往足總盃從未試過改名，今次英足總急於搵贊助商，唔理傳統而「賣身」做法惹來非議。
前屆盟主韋根降英甲

講開足總盃，前屆捧盃後即降落英冠嘅悲情球隊韋根，今季一直喺榜下游掙扎，尋日凌晨尾四嘅洛達咸以2比1擊敗雷丁，喺剩番一輪情況下，已經領先尾三嘅米禾爾同尾二嘅韋根4分同6分，意味後兩者護級失敗，下季齊齊降落英甲比賽，韋根兩季內「降上降」，令人唏噓。