天生我財直捧場

不死鸟

見習生蔡明紹除?天份高之外，其責任心之重在前日季前嘉年華草地試大閘顯露，原因他早前一口氣脫4隻智慧牙，引致面部腫脹，其師父告東尼在晨課時對傳媒講，愛徒因面腫要給他休息，嘉年華試草閘會另覓人選，但前日突然見到蔡明紹露面嘉年華試草閘，當時見到他面部雖然無早兩日咁腫，但依然係見到腫脹，當然他認為自己無乜大礙，加上醫生檢驗認為無問題，他才可以參予試閘，但從呢一點可見得到他的敬業樂業精神值得嘉許，難怪他出道時間雖短，但甚得眾人愛錫不無因由。
睇回上周六沙田季前嘉年華試草地大閘，蔡明紹該日只係出試師父告東尼馬房?「喜蓮福星」、「夢幻組合」、「駿綵」及「天生我財」4駒，上述4駒走勢表現最好係「天生我財」，排2檔出閘，一馬當先直領到底走來爽勁，出腳有力，可見此匹腳患馬已全面康復。
「天生我財」前日嘉年華試1000米草閘一放到底輕勝，足證見到其狀態已冒勇，此駒目前評68分居三班不蝕底，如季初見牠出爭強項田草1000米直路賽，升火待發馬一定要捧場。