杜利萊擅打埋身戰

不死鸟

筆者一向都好欣賞法籍騎師杜利萊（圖），佢給人的感覺十分有拚勁，尤其贏完馬的祝捷姿態，而且鬥末段特別犀利，不過上季尾杜利萊受傷患困擾，自5月中已經再無上過陣，搞到只得38場頭馬，?度希望佢響新加坡客串完返來，新季有好成績交出。
睇番上季杜利萊的整體成績，頭馬分布得較為特別，贏馬最多竟係非主流路程泥地1200米，明顯係得到泥地怪傑「幸運駿駒」的帥印，其次表現最好係田草直路1000米，總共贏?6場，可見佢跑直路賽的確有一手。
而翻查杜利萊原來上季唯獨未騎過大摩的馬，其餘各馬房都效力過，反映佢人際關係極佳，?香港頗吃得開。
而要數杜利萊剛季的最精采策騎，應是「首飾奇寶」摘下打�项A賽之役，終點前擺明騎贏白德民「君皇鷹」，簡直將「首飾奇寶」的後勁發揮得淋漓盡致。敢信來季杜利萊傷患無礙，來季肯定可突破40場頭馬大關，而且叫座力唔強，不失為追捧對象。