如虎添翼目標今仗

猪拉多纳

　　尾場三班1650米，何良馬房「如虎添翼」雖然賽績唔算突出，歷來13戰只獲1冠4季上名成績，但上陣以來甚少大敗，就算輸得最遠一仗亦不過七個身位，可見本身性格忠心。上場於嫌短之田草1200米，沿途跟前下最終亦跑獲第三，僅以不足兩乘負給季內已三捷、目前評分達81分的「天時駿駒」，足證近況有水準。

　　「如虎添翼」復課後工夫明顯加強，埋門更安排拍試草閘，睇準備出擊箭頭應直指今仗，出埋王牌亦顯示決心。「獅鷲」季內全跑田草，今仗終於回歸唯一勝途谷草一哩，一檔起步可威脅前駒。

　　樂有贏排檔轉佳

　　另外，第二場四班1200米條件賽，「樂有贏」近兩仗於同類型賽事分獲亞季，表現穩定，繼續再攻此賽而排檔轉佳，有力贏番場。

　　「紅衣精靈」雖仍屬處女馬，但角逐同程卻有高達七成上名率，賽前莫雷拉已過檔試閘並跑第一，操好強配而臨，亦屬爭勝分子。「日月暉華」突然初戴眼罩，首本路上陣不容忽視。向東