雷神攞獎盤滿鉢滿 三場1000米開正戲路

猪拉多纳

由里奧勒度狄卡比奧主演的《華爾街狼人》，雖然失落奧斯卡，但演技備受讚賞。在香港，騎技同樣獲得一致讚好的莫雷拉，直路賽成績傲視同群，周日三場同程賽事均有實力坐騎，又是大演身手的時候，這齣《直路賽狼人》肯定叫好叫座！
       
盤滿鉢滿（右）

停賽三日，莫雷拉終於復出了！雷神有幾勁，單看騎師龍虎榜已略知一二，今季遲來之餘，期間亦多番被罰停賽，但現時只落後潘頓10W，幾時過頭，似乎只是時間問題，隨時首季來港上陣，即登上冠軍騎師寶座。
       
神舟十號

莫雷拉騎功全面，田、谷、泥瓣瓣掂，其中田草1000米成績突出，6W排第一之餘，勝出率及上名率均傲視同群。今期適逢有三場同程，胯下沈廐「蜜圈」、徐廐「神舟十號」及「盤滿鉢滿」均屬上風分子，又可大開殺戒。
       
三駒抽靚檔運都贏埋

睇波經常聽到評述員講：「好波不如好運」，事實上，運氣的確無人嫌多，但如果好波又好運，豈不是天下無敵？「蜜圈」、「神舟十號」及「盤滿鉢滿」同樣是如日方中的四歲質佳分子，對上一仗均在莫雷拉胯下角逐直路賽，成績非冠即亞，人馬默契又好，單是這些優點已經勁到冇朋友，而且連運都贏埋，三駒分別排12、9、9檔，直路賽偏差大，外檔有明顯優勢。人強馬壯，還有靚檔，雷神包辦直路賽3W絕非意外。
       

值得一提，「神舟十號」身處第八場乃新加坡賽馬公會錦標，若然由四屆星洲冠軍騎師莫雷拉捧盃，肯定成為一時佳話。