紅褲仔胡森有回報

猪拉多纳

距離達標數字15W仍有一段差距嘅胡森，近期已見不斷發力追上，尋日沙田佢就大舉派出七駒上陣，結果頭場已見贏馬得手，憑郭能策騎嘅「紅褲仔」贏得今季第6W，進一步擺脫榜末位置，而替「紅褲仔」建功嘅郭能，趁周三谷戰開始停賽前繼續奮勇搏殺，連贏三個賽日掃走四W。
       
胡森興奮輕撫紅褲仔的臉。
郭能停賽前連勝三日

對於「紅褲仔」在港出賽第十五次終打開勝門，更大勝三個多馬位而回，胡森賽後表示馬匹之前蹄甲曾患上毛病，因此阻延咗進度，好在馬房員工悉心照料，加上蹄甲匠嘅努力，終於成功出頭，佢亦睇好呢匹草泥皆宜之馬，唔難再有反彈。