甜城效應轉出綵虹

猪拉多纳

馬主若果有一段長時間無贏馬，有啲都會試吓更換綵衣或者馬名，希望可以轉吓運，好似尋日「甜城效應」同「極速」馬主嘅許浩明，養馬多年以嚟，馬名皆以「甜」字行頭，綵衣則以紫色為主調，不過，可能自從2010年5月23日憑「甜蜜至上」贏過之後，有三年多未再拉頭馬，今季呢系馬匹就搞搞新意思，綵衣改用黃藍為主色，果然帶來新氣象，在港出賽七次皆未入三甲嘅「甜城效應」，尋日胡轉高廐初出就由韋達打開勝門，贏出第三場四班草地千四米。
       
甜城效應轉高伯新一出即勝，姿態輕鬆。
14檔後上殺晒

練馬師高伯新睇好「甜城效應」有力扶搖直上，佢話匹馬今場抽14檔選擇唔多，被迫留後，但最終依然可從後如飛殺上輕勝個多馬位，姿態出色，加分後有力再勝，亦可以向更長路程進發。