喜欣賞遇弱旅可勝

猪拉多纳

　　新年新氣象，祝願各位馬年馬到功成，龍馬精神，最重要當然是身體健康！

　　明晚谷草上演九場夜賽，不過這九場賽事，最高班次的二班賽，竟然只得六匹馬報名，更史無前例下編為第一場進行，或是馬少乃其一原因，遷就四重彩相信也是另一因素。不過姑勿論怎樣，頭場開跑時間為6：45！

　　新年期間，莫雷拉積極到場操馬，實在落場同樣交出表現，今次雷神又手執惡馬，若這樣瘋狂數胡下去，真有機會成為今屆冠軍。第三場四班1800米，「喜欣賞」上仗在蝕盡形勢下可殺入第三，伸算該仗表現，演出絕不比頭二馬遜色，今番由潘頓改到雷神手上，倘若贏了，來回計較差距又有兩場。

　　無疑今次相隔日數比較少，不過馬房安排「喜欣賞」休息一天已迅即復課，每日也露面踱步，論馬身完全唔覺得瘦了，反之神態較前更見生猛，再睇今番所遇對手，又未見得有甚麼強手在陣，只得「威仔皇」季內贏過，結合有雷神壓陣，博WP諗得過。

　　第九場三班1800米，「幸運勝利」今季五戰取得兩季兩殿，陣上演出頗忠心，今次重返贏馬路程，改配好手杜滿萊，隨時有更佳表現。