郭能首次3W封皇

猪拉多纳

英國好手郭能昨日出足十一場，雖然首七場無影捧蛋，但尾段場次如有神助，直落勝出第八場「爪皇盛水」、第九場「魅影蹄飛」及第十場「風花雪月」，嚟香港咁多年首度中三元，並以36分爆冷成為騎師王，而最近四個賽日掃走五W，季內頭馬數字增至八場。
       
郭能首次大演帽子戲法，興奮高舉三隻手指慶祝。
第3Ｗ $63 風花雪月

有多位練馬師趁住聖誕新年期間出外度假，其中返咗南非嘅霍利時，雖然尋日沙田賽事無入場督師，但馬房攻勢就無受到影響，喺第八場三班草地1200米，仲憑住旗下參戰馬「爪皇盛水」取勝而回，贏得今季第八場頭馬，達標里程啱啱好完成咗一半。
       
第1Ｗ $98.5 爪皇盛水

郭能策騎「爪皇盛水」發揮一絕，憑住佢出色走位同狠勁嘅鞭策，成功幫匹馬重奪差唔多久違咗一年嘅頭馬，賽後受到馬主周家輝激讚。
       
第2Ｗ $184 魅影蹄飛
爪皇盛水馬主激讚

馬主周家輝話賽前其實信心只係一半半，因為呢匹七歲馬年事已高，佢慶幸今場各方面有利條件配合，加上郭能出色發揮，終於有機會再拉頭馬。