環保戰士瘋狂落飛

猪拉多纳

　　今期番跑馬地，由於好多實力馬在陣，睇開番熱門機會好大，唔好亂咁博冷啦。

　　通常馬季初未跑過熱身，好少有人敢大手買落去，偏偏今次就有四匹季內初出馬噚日落晒飛（見表），值得留意。呢四匹怪飛馬之中，周某自己就好鍾意第六場「環保戰士」，話說呢匹馬上季霍利時馬房時候，已經成日跑近，但係始終贏唔到，馬主最終決定將佢交畀告達理馬房，今次終於谷草1200米作季內初出。

　　話說「環保戰士」上仗出爭同程時，獨贏賠率明明仲有9.2倍，今次竟然曾得4倍幾，隔晚做大熱門，既然有票數支持，點可以唔吼？騎師王方面，蔡明紹得8倍，胯下實力馬又多，一定要捧。