潘頓搵到勝利攻略

猪拉多纳

潘頓近兩期手風真係麻麻，成日跑P就係同頭馬差啲緣分，反而死敵韋達頻頻有馬贏，尋日國慶賽日前同榜首韋達差成四場咁多，不過潘頓老婆Nicole阿媽探佢哋，外母嚟咗，威力真係非同小可，潘頓梗係唔可以失威啦。
       
勝利攻略守好位突圍而出，潘頓走位出色。

佢嘅表現真係唔同晒，第二場已經跑晒入P，之後第五場夥拍文家良匹「勝利攻略」贏埋馬，一止近排搏極唔贏嘅黑氣。
       
潘頓外母（左）、潘頓太太Nicole
外母探班特別醒神

文哥賽後都話小潘發揮出色，把握住個黃金一檔，沿途守住四、五位慳啲力，到直路初忍一忍，最後二百米先衝，賽前部署做到晒，贏得精彩，總算無喺外母面前失禮。