落飛變大熱快快贏

猪拉多纳

上季泥戰成績梗係鄭俊偉最威水，不過方嘉柏其實都唔弱，係泥地二哥嚟o架。尋日開始有泥地賽事，方仔自然唔放過搵食嘅好機會，兩場泥地賽都有派馬上陣，第四場佢嗰匹「快快贏」上季泥地贏咗兩場，不過贏馬拍檔潘頓今場揀騎「奪目商人」，「快快贏」就換咗杜利萊跑，賠率一路都維持住6至7倍，直至開跑前幾分鐘不斷落飛，到開跑時就變咗4.3倍大熱門，結果表現同啲飛數一樣咁勁，方仔順利喺泥戰先拔頭籌。
       

賽後練者就話匹馬好鍾意跑泥地，抖完暑狀態起得唔錯，試谷閘表現又夠晒醒，突圍唔算意外，不過贏埋呢場個分就開始飽和，之後可唔可以再贏就要睇形勢，如果季內執多場，佢就最開心喇！