卓爾非凡有路捉

猪拉多纳

　　跑完三個賽日薛馬僅入Q一次，但這個馬房兵力有限，未有頭馬進帳並不令人感到意外；明晚此派三駒上陣，筆者睇好列陣尾場二班1650米的「卓爾非凡」，有力替練者打開今季勝門。

　　「卓爾非凡」現已七歲，在港四季出賽以來先後由大摩、薛達志訓練，但因本身健康問題，結果至今出賽僅二十六次，計落平均一季跑不夠七場，但上季共跑九次兼獲兩亞，上名路程均為谷草二班1650米，除反映路有專長外，健康亦應無大礙。另一點要特別加以留意，未知是巧合抑或是主理人刻意部署，「卓爾非凡」每季初跑谷草均入前四名，成績為冠亞季殿各一（見表），這次薛達志替牠用王牌報跑其強項谷草一哩，兼配上昨日贏「電子福星」捧仁濟盃的安國倫，足證已值得捧場。

　　非常精不容忽視

　　配腳先揀「非常精」，雖然賽前在呂卓賢胯下試泥閘只跑第五，表現並非特別標青，但始終此駒至今三度於谷草B欄C彎作賽，並交出冠亞各一佳績，兼且對上一仗牠在谷草一哩僅以短頭不敵「同個世界」跑第二，後駒剛在昨日勇奪一班廣東讓賽盃，計落「非常精」今仗必有一拼之力。