|
|
唔理熱門定冷門，最怕買錯馬，一線之差，左度右度之後最終變成唔中，真係激氣，所以，度馬要識得避重就輕。
第三場一班1200米，「好好計」上季尾跳班跑二級賽，力拼「跑寶貝跑」掄元，當時唔係杜利萊太過有信心，去到直路早段兩頭望未肯力騎，相信唔會終點前被愈迫愈近。今場跑一班賽，同場幾匹馬作開路先鋒，牠排2檔起步，食正快步速之助，坐住有P。
第八場三班1200米，「飲食之星」上季第2仗仍然「生勾勾」，已經拍住「奇無極」入Q，再出即以無敵姿態勝出，最低限度有二班實力，三班過境性質，面對強手亦唔怕。
分享完心水，亦講講唔多睇好之馬。第一場五班1200米，「華劍寶」暑期後唞了兩個月，馬匹體重下跌已經唔多開胃，再查此駒轉到苗廐後上名紀錄，兩季以來攞到四贏一位，體重在1055磅或以上，目前1041磅，點都有戒心。第十場二班1400米，「首飾多寶」上季二班跑兩場一再失望，隔了一個暑假，有冇進步？按照早前大閘走勢，暫時未有煥然一新感覺。(阿興)
|
|
金睛卡
发表于 2013-9-8 10:53
变色卡
显身卡