呂廐中興還看「新血」

猪拉多纳

　　上期講到姚本輝，可以由低谷打番上嚟，真係唔容易，那不屈不撓的態度，充分表現出香港精神。而另一位華人練馬師呂健威，唔知會唔會一樣學似輝哥，大打爭氣波。

　　上季呂健威的表現麻麻，贏得13場頭馬，成績僅僅及格，差唔多係佢從練以來最差的一季，如果數番最近十幾季，佢冇試過咁失威，年年淡淡定，贏廿幾場冇問題，唔知上季衰邊瓣，搞到頭馬少成咁。

　　今季有冇本事爭番啖氣，抑或繼續沉淪，真係話唔埋，某程度上，除咗睇佢功力，好視乎一批「新血」的表現。

　　不過，呢批馬唔係新嘅PP或PPG，而係前華伍兩廐成員，因為，暑期好多呢兩個馬房嘅馬轉咗過去，假如當中有十隻八隻係寶藏，潛藏未完全被開發，咁就有排數胡。