蘇狄雄多華倉支持

猪拉多纳

　　何良愛徒蘇狄雄，除了師父之外，得到唔少華人馬房支持，好似伍廐、文廐、徐廐、告廐，此外，仲有外籍倉口賀賢時有合作。而近季頭馬唔算少，出賽次數亦多，至此發展算係如意。

　　蘇狄雄上季多咗騎葉楚航嘅馬，而「勁飛翔」食尾胡，帶挈練者登上冠軍，相信會促成二人今季進一步合作。其實，佢係本地猛將之一，年青好氣好力又有騎功，陣上唔會比一眾洋將失色。嚴格來講，佢事業未能夠再創高峰，可能與策騎基地不足有關，集中在幾個華人馬房，局限了發展空間。

　　雖然唔係咁容易向外籍馬房招手，連蔡神仙久不久都彈啲馬畀佢騎，已經係一份認同，只要佢保持本身專業態度，並嘗試擴闊社交圈子，爭取更多支持，必可更上一層樓。