|
|
目前練馬師之爭白熱化，告東尼與葉楚航同贏60W並列頭位。照理應視對方為最大競爭對手，奇就奇在，上次賽後告東尼接受訪問，指爭冠之主要敵人係蔡方兩廐，到底係佢睇得形勢好通透，抑或略為看輕葉廐，未來幾期賽事便可知曉。
講開東廐，呢排周不時在盃賽場合出擊，雖然頻密程度不及盃王大摩，但時有雙龍出海戰術，最近有博愛盃、遮打盃及傷健策騎協會盃等等。
今日只設有一項盃賽，在第九場三班1200米，此為港大校友會盃，東廐兩駒「卓爾名駒」及「四季星」聯手出擊，可能又會不分正副，包Q唔係冇機會，睇隔晚飛，一對馬獨贏唔冷落，而呢條馬房Q亦唔係冇支持，多多少少有墊底飛。講到實力，前駒冇耐之前贏過此程，而後駒經常在三班跑入前列，呢對馬在三班同樣夠分量，至於能唔能夠撼得贏「愛將」？未跑過，點會知，但如果賠率側埋一邊，博得過。Jack
|
|
金睛卡
发表于 2013-6-12 13:45
变色卡
显身卡