美的人生 薛達志上岸

猪拉多纳

德國練馬師薛達志呢排成績唔差，近期分別有「威武福星」同「強中堅」建功。尋日光頭佬又再發動攻勢，喺第二場四班千六米靠「美的人生」增添進帳，贏到今季第13Ｗ，終於成功畢業，總算鬆一口氣。
       
薛達志十三Ｗ畢業，成個人輕鬆晒。

「美的人生」之前試過喺告東尼馬房贏一場，但轉咗去薛達志嗰度都跑得唔差，尋日換畀鄭雨滇騎，狂勝大熱門「時來風送」近三馬位，認真誇張，就連薛達志都覺得驚訝，佢話呢隻馬近幾場都有好表現，但有幾次受阻，今次就一早吩咐阿滇入直路後一定要望空衝刺，而鞍上人都做足指示，轉彎拉出大外疊，贏得出色。