告東尼繼續「晉」攻

猪拉多纳

　　徒弟蔡明紹停賽5日，完全無損告東尼搏馬雅興，近期賽事不斷有頭馬落袋，就像上期既捧盃又起孖，目前累積54W，距離練馬師榜首葉廐唔係好多場，只係4場咋。

　　一個大馬房，要在一期之內贏三兩場，真係見怪不怪，所以，目前練馬師榜形勢好鬼緊湊，唔一定係蔡葉之爭，隨時殺出個程咬金，可能最後畀告東尼遲嚟先上岸。

　　今晚東廐出馬5匹，只得一匹「進攻足球」用巫斯義，反而，重用了「敵方」徒弟吳嘉晉，一共彈3駒畀佢策騎，當中仲有兩匹係王牌馬，唔通呢個世界真係友誼第一，比賽第二？！

　　第六場「萬事勇」捧到廿幾蚊，位置1.0倍，信心指數大到滿瀉，馬快檔好，又確係有條件；第七場「超綵」分數已飽和，但搏極未散，返回首本路程更要提防；第八場「牽動美麗」依往績而論，身處二班跑一哩，負中磅迎戰佔優。Jack